عندى فرح”.. كلمة حلوة و بشرة خير.. غالبا بترسم ابتسامة على وش اللى بتقولها و اللى بتسمعها. بس ورا الكلمة دى موال طويل اسمه “هلبس ايه” مش كدة ؟؟

عشان نلاقى حاجة مناسبة لينا – خاصة المحجبات –بندوخ و ننزل كذا مرة و نروح كذا مكان لأن غالبية السواريه بيبقى مش متصمم عشان يناسب الحجاب… دة بالنسبة للجاهز. أما التفصيل ففيه مشكلة اختيار الموديل اللى هايتفصل و ده بيرجعنا لنفس النقطة اللى هى ان معظم الموديلات مش للحجاب … طب و بعدين ؟ عقدتها أنا مش كده ؟

الحكاية مش معقدة ولا حاجة و فى حل قدامنا مش صعب .. الحل ده هو انك تختارى الموديل اللى يعجبك و تقفليه اما بنفسك أو عند الترزى. كتير بنفتكر ان التقفيل ده مش حل للمشكلة و هيبوظ شكل الموديل بس الحكاية مش كدة , الفكرة كلها فى اختيارطريقة التقفيل المناسبة لتصميم الموديل و اللى متضيعش شكله.

فى عندنا ثلاث طرق للتقفيل و هى : لبس بدى تحت الموديل، تركيب أكمام للموديل، لبس برولو – جاكت قصير – فوق الموديل.

البدى :

أسهل طريقة للتقفيل هى لبس بدى لأنها مابتحتاجش  تعديلات فى تفصيلة الموديل نفسه . اهم حاجة هى اختيار لون البدى المناسب.سواء كان نفس لون الموديل أو لون لايق عليه و الحكاية دى بقت أسهل دلوقتى مع توافر البديهات السواريه من أكتر من ماركة . و لبس البدى بيليق مع الموديلات الكت اللى فتحة الرقبة فيها واسعة ( سبعة مثلا ) و الموديلات النيك (المربوطة حول الرقبة) و الشابونيز( الكم القصير).

تركيب أكمام :

الطريقة الأساسية للتقفيل هى تعديل الموديل نفسه عن طريق تركيب أكمام و تضييق فتحة الرقبة . ممكن الطريقة دى تكون أصعب من غيرها لكنها بتأدى لنتيجة كويسة جدا لو اخترنا شكل الأكمام المناسب للموديل .

يعنى مثلا موديل زى ده يليق عليه كم طويل و واسع من نفس شيفون الفستان  مع تضييق فتحة السبعة شوية.

أما الموديلات ال strapless ( من غير حمالات أو أكمام ) زى ده  بيليق عليها الأكمام اللى بتبدأ من الكتف و انك تسيبى الرقبة زى ما هى  او ترفعيها شوية و كدة بتكون شكل فتحة مستطيلة أو مربعة واسعة  للفستان يليق عليها انك تلبسى بدى من تحت ( البدى بيديكى الحرية فى اختيار طول الكم حسب الموديل )  و دة بيدى شكل أحسن من تغيير النصف الأعلى للفستان بالكامل و اننا نخليه مقفول أو برقبة ضيقة .

البرولو أو الجاكت القصير:

الطريقة الثالثة للتقفيل هى لبس جاكت قصير فوق الفستان و ده ممكن يبقى شكله حلو أوى لو اخترتى الجاكت اللى يليق على تصميم الفستان . و البرولو ليه أكتر من شكل :

أكتر موديلات بيليق عليها البرولو  او الجاكت القصير هى الحمالات الرفيعة و الstrapless السادة من فوق زى الاثنين دول:

malk2010

هـ**ـمـ**ــســ**ــات

  • Currently 114/5 Stars.
  • 1 2 3 4 5
37 تصويتات / 3112 مشاهدة

ساحة النقاش

عدد زيارات الموقع

594,182