النهاردة هانتكلم عن الألوان, بس مش أى ألوان.. هانتكلم عن الألوان القوية و الحية زى الفوشيا و التركواز و الأصفر. فى ناس بتقول ان الألوان دى فاقعة او بلدى و بنات كتير بتتكسف تلبسها . بس فعلا فى درجات من الألوان دى بتبقى شيك جدا و لذيذة أوى سواء كانت اكسسوار للموديل عشان تحييه أو حتى لون الموديل كله . أهم حاجة انك تختارى التفصيلة اللى تليق عليكى والدرجة المناسبة من اللون .

 

مافيش حاجة اسمها انا ماينفعش  البس اللون دة و ان معظم الناس بتليق عليها كل الألوان, المهم هو قصة و تفصيلة الموديل اللى هاتختاريه و اللى بتحدد شكله عليكى. يعنى انتى تقدرى تلبسى أى لون بس اختارى الموديل صح. لكن برضه مانقدرش ننكر ان فى ألوان معينة بتنور وشك و تظهر ملامحك بشكل أحسن من ألوان تانية , و اختيار الألوان دى بيعتمد أساسا على لون بشرتك. و اللى اكتشفته مؤخرا فى موقع عن الجمال هو ان تقسيم ألوان البشرة بيكون لبشرة لونها بارد أو cool و بشرة لونها دافئ أو warm , مش لبشرة فاتحة و غامقة بس.

 أما ازاى تعرفى اذا كانت بشرتك لونها بارد ولا دافئ فده بانك تشوفى لون عروقك اللى ظاهرة فى ذراعك, اذا كان لونها مايل  أكتر للأزرق يبقى لون بشرتك بارد أما اذا كان لون عروقك مايل  أكتر للأخضر يبقى لون بشرتك دافئ… طريقة سهلة مش كدة؟؟ الصورتين الجايين دول بقى فيهم الألوان اللى بتليق على البشرة الباردة و الألوان اللى بتليق على البشرة الدافئة.

البشرة الباردة:

 Cool-Colors 

البشرة الدافئة:

 Warm-Colors

متهيألى كدة موضوع اختيار الألوان بقى أسهل شوية … عايزة بقى اشوفكم لابسين ألوان فى ألوان فى ألوان و تبقى الحياة لونها بمبى – و مفيش مانع تكون تركواز او أصفر

 

 

 

46f8040dcf

 

da70ccb8cf

 

 39253149700_lg

 

 

 

 

 

 

 

  

malk2010

هـ**ـمـ**ــســ**ــات

ساحة النقاش

e-malak
<p>مشكوريين جداً على الافادة وما في داعي نتحير في اختيار لون الملابس وخصوصاً في المناسبات السعيدة</p>
raa1990
<p><strong>مشكورين على المعلومات الرائعة وانا هيك عرفت بشرتى انهاباردة</strong></p>

عدد زيارات الموقع

340,816