جارى التحميل
استخدم زر ESC أو رجوع للعودة
علمتنى انى ابيع من غير ندم
علمتنى ان الكرامه فوق الالم
متلومنيش ان فهمت كل الدروس
وللفراق حفزتها كل الهمم
==========================
ولسه بابكى ع القلوب الطيبين
فاتوا ليه الدنيا وليه اندال عايشين
ودا مش كفر بالقدر ولا اعتراض
كل الحكايه ان الفراق قاسى وحزين
================================
انا اللى خدت الطيبه لسفرى زاد
لما لقيت ظلم البشر عليه زاد
قلت اغير وابقى قاسيه ف الحياه
زدت الطين بخيبتى بله وهمى زاد
==================================
انا اللى كان الخيال منديل حياتى
لما اصبح بالهموم عمال يهاتى
وضاعت منى الحقيقه والخيال
ولا عارفه ايه مضى وايه اللى اتى
===================================
لسه الطب ما اخترعش علاج لجرحى
ولسه الحزن مبيديش فرصه لفرحى
ولسه رغم الزحمه عايشه وحده قاتله
ولسه استيكة الزمن مش عايزه تمحى
===================================
ساحة النقاش