ليه يافرح دايما كل مادا تتخنق

وافتح ببانى وانتظر لما اتفلق
تيجى ومعاك الدموع تملى المحيط
وكان دمعى كان طريق يوم ما اتخلق

===================================

ايه يعنى لما الحزن يوصل للسما
واعيش العمر احلم بلحظة ربما
ولامره تيجى ويضيعنى الانتظار
ومن كتر شوقى للافراح شوفت العمى

=====================================

قالو الغرام عشان يعيش يبقى جرئ
انا قلت من غير حياؤه يعيش غريق
لوتنزعو عن كل شئ ياناس غطاه
راح استر نفسى بالكفن اجمل صديق

================================

انا قلبى نام عن الغرام
وعاش مع عقلى ف سلام
بكفايه حرب سنين طويله
تسلم لى يا عقلى الهمام

===================================

اهدهد قلبى وادلعه اخر دلع
وكفايه عمره ضيعه مع اهل الطمع
يعيش حياه منبتها طهر وروح طيبه
وعمره مايمشى ف طريق اهل الجشع

===================================

وكنت فاكره انى وصلت للامل
طلعت عايشه سفسطه وايه العمل
اخرتها جرح جديد ضمن الجراح
واتاريه وهم عشته اليوم اكتمل

===================================