يارض بلدى شبعتى دم
ولا لساكى عطشانه
دم القلوب مش رخيص
بس المهم ماتكونى زعلانه
ياغاليه سال الدم يملا حواريكى
واحنا فى غربك وشرقك واقفين حواليكى
حالفين بارضك وعارضك بروحنا نفديكى
ونسرق الحريه من اللى سابيكى
يابلدى مال ليلك علينا طال
وحال ولادك المعدول بايد كبارك مال
وكنت فاكره بعد الثورة تتبدل الاحوال
اتارى ايد الضلال وقفالنا بالمرصاد
تاكل خيرة الشباب وزينه العباد
لكن ورب البشر هيزيد عناد وعناد
لحد مايجى الحق ويترفع العماد