جارى التحميل
استخدم زر ESC أو رجوع للعودة
فى ذكرى مولد المصطفى بنادى يا امه
يلا نعود للصفا ونوحد الكلمه
عشان نشوف دربنا وتنكشف الغمه
يارب جمع قلوبنا فى مولد الشفيع
احداث العرب تحزن تشيب الرضيع
مابين حريق وهدم وقتل وترويع
يارب احفظ بلدنا يا عالم يا سميع
كان مولد المصطفى يمر علينا عيد
وف مصر جاى علينا والحزن كاسى العبيد
بادعى اله الكون يقرب البعيد
ترجع بلدنا امان والخير عليها يزيد
يامصر ضمى الجراح من بحرى للصعيد
خلاص بدانا الكفاح وراح لمجدك نعيد
ولا وطنى هيهزنا ولا خاين ولا عنيد
زرعنا ارواح الشهدا تحصد عانا تبيد
واللى معاه ربنا نصره من الله اكيد
يارب اكتب لنا النصر والتاييد
ويومها يبقى بلدنا بخيرها اجمل عيد
ويومها يبقى بلدنا بخيرها اجمل عيد
ساحة النقاش