قصيدة/على قد الصبر
على قد الصبر اللى ف فؤادى
عل قد شوقى لك يا بلادى
على قد كرهى للاعادى
بارفع لربى الايادى وانادى
================
يا بلادى انا مش عاجز احميكى
دا انا دم قلبى وروحى راويكى
انا رهن امرك وملك اديكى
ونفسى اطهرك من خونه فيكى
==========================
يا بلادى حقك ف رقبتى دين
انا لا يسار ولا يمين
انا حر منك انا الامين
على الرخيص قبل الثمين
===========================
يا بلادى نيلك هو وريدى
قيد ى ايمانك فى قلوبنا زيدى
ان كنت بحرى ولا صعيدى
مستنين يهل عيدى
على ربوعك ف عيون شهيدى
===============================
سفير وغادر عشان جبان
سايب بلدنا ذليل مهان
قال ايه يندد الامريكان
بخروج عميلهم بايد شجعان
تسلم اديهم ويزيدو ا كمان
===================================
شباب بلدنا اجدع شباب
مش ناس وعايشه وهم وسراب
وان كانوا عانوا ايام عذاب
بكل قوه وصلوا السحاب
وكل عدو فى امله خاب
لما شافهم اطهر شباب
بقلمى/سحر ابراهيم حرا