يلا بسرعه ادخلوا
مزاد واهه اتفتح
واللى يشترى غالى
رخص اكيد يكون فلح
ياما دهب رخص
وغطاه تراب ياما
وياما صفيح لمع
فى الضوء وعمانا
ياترى مين فينا
ياناس صاحب منجم
يزيل تراب الدهب
ولا يوم عليه يندم
يفرح بعرقه الاصيل
اللى معاه يفهم
وقت الضيق يلاقيه
وللجروح بلسم
ومين غاوى صفيح
يلمع يومين وخلاص
ييجى عليه الهوى
يصدى ويبقى خلاص
اهو فات عمره وخلص
زى اعمار الناس
ماهو كله فانى و
لاباقى غير الاخلاص
تلاقيه معاك فى اخرتك
فى يوم مفيهش خلاص
غير باعمال طيبه
وحب لككل الناس