القلب دايما عايز يعيش السعاده
وكل الناس تحب تشرب سكر زياده
لكن مرار الحياه دايما دا عادة
تيجى وتمسك فينا تخليها ساده
والكل عايش فى الحياه عمال يعافر
اللى حظه ضيق زى اللى حظه وافر
ومحدش بيقنع باللى فيه واهى مساخر
للقدر ببنى البشر والبحر زاخر
ياللى ابتلاك القدرفى يوم ما تجزع
عليك دايما بالرضا وبحالك اقنع
وعلى عتب رب العباد صللى واركع
وان كنت تايه فى الطريق بسرعه ارجع
هتلاقى ايده بتسندك تحرس خطاك
وهو وحده برحمته يغفر خطاك
وهو بلطفه وقوته يكون معاك
وتحس روحك بالايمان طايرة فى سماك
وهى دى معنى السعاده
وهى دى معنى السعاده
لا هى دى كل السعاده