جارى التحميل
استخدم زر ESC أو رجوع للعودة
فرعون الحب
لا انت اول جرح
ولا آخر جرح بالكون
حسبتك للقلب فرح
لقيتك ع القلب فرعون
عذبتني لجل حبيتك
وخليت الدموع أنهار
ندمتني إني لقيتك
وبوحت لك يوم بالأسرار
ليه ياغرام تذبحني
وتحرق قصور الغرام
ليه يافرح تجرحني
حرام عليك والله حرام
كرهتني في الحب
وكرهتني بلياليه
كنت لي أكبر ذنب
وعمر ما عاد أبيه
جاي تسألني ويش فيني
أبد حبيت واحد أناني
تذكر كل الكون ونسيني
عذبني وصار جاني
لا عاد تسأل
ولا أبي أسمع شكواك
حسبتك الأكمل
لين عرفت مبتغاك
خلني انا الظالم
وقول عني ما أستاهلك
بس خلني سالم
ولا عمري راح أجادلك
ماعادت الدنيا تسوى
ولا عاد قربك يهمني
على البعد تقوى
وتراك من قبل عودتني
لا تدعي الحب
عيونك تراها تفضحك
تراه ماهو بغصب
لا تقولني قول يجرحك
حبك تراه مر وصعب
شوف غيري بحبك يمدحك
دعيت فيك الرب
لأجل اللي كان بييننا يصلحك
الشاعر
فهد بن عبدالله الصويغ
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش