مجلة بشرى الأدبية الألكترونية - قصيدة : أخر قصيد

 أخر قصيد

صدقني ما عاد القلب يعشقك ويشتهيك 
ما عادت ملامحك بعد اليوم أبدآ تغريني 
كأنك جمر تحرق به كل ماضيك
ما عادت شفاهك الجافة اليوم ترويني 
خلي العيوب فيني وماهي بفيك
كل عيب يالماضي تراه اليوم  فيني 
ماعدت أرغب في كل شيء كان يعنيك 
كل شيء صار بقربك عذاب يشقيني 
مدري إشلون  كنت من قبل أراضيك
وكيف كان غرامك من قبل شراب يداويني 
أناني و كل غرور بالكون دوم يعتريك 
كأني مسحور لكن سحرك صار يدميني 
وين راح الجمال اللي كان يضوي لياليك ؟!
زال ضباب العين ولا عاد اليوم يغويني 
ما بغضت الحب لكن  بغضت  أجاريك
و كرهت أني أراضيك أو يوم تراضيني 
ماأعاد أهتم كيف أجرحك أو أداويك 
قربك للقلب كأنه  نهر عذاب يسقيني 
إرحل و ابتعد صدق ماعدت أشتهيك 
وغرامك المزيف صار اليومآ يعميني 
ما عدت الشخص اللي يحبك و يحتويك 
عذاب قربك صار وحده من يحتويني
اليوم الفراق يناديني مهرول و يناديك 
وتأكد أن  بعدك صار أمره  يستهويني
ما خشيت فراقك وماراح  أتوسل إليك 
إرحل وإن توسلت إليك بالحجر أرميني
هذا قراري وهو الأن يتوسل و يناجيك 
تقبله أرجوك علك بالموافقة ترضيني
قلبي يتوسل لك بالرحيل ماعاد يبغيك
ولا له خلق بعد اليوم  لجل تحميني
إرحل و خلني  أنسى كل ماضي مأسيك 

جدار الصبر قد إنهار مهشم  فوق بساتيني 
أحرقت كل العشق اللي كان زمان يلاقيك 
ووجهك العبوس المتجهم ما عاد يعنيني
قد رق قلبي لغيرك لو القول ذاه يكفيك 
إرحل ولا ترجع أبدآ بصراحة قربك يضنيني 
كم حاولت أقنع نفسي بالحب لأجل أشتهيك
لكني فشلت وصار كلامك معي دوم يعميني 
إرحل وشكرآ كفاني عذاب كان يستهويك 
قد إتخذت قراري وكان فيه حتمآ يقيني
كون حر كما كنت تقول زمان لكل أعاديك
لا مثل اليوم منت قادر على البعد وتعاديني
هذه أخر قصيد أنظمها شعر في معاليك
ما صار فيك شيء بعد اليوم يشجيني
ليتك تترك المكان ماعاد تسحرني مقلتيك
وإن شوفتني أتوسل رجوعك أبدآ لا تجيني


 الشاعر 
فهد بن عبدالله الصويغ