مجلة بشرى الأدبية الألكترونية - قصيدة : حبيبي أسف

 حبيبي أسف 

أتعودت تظلم
و إتعودت أسامح
تغلط عليا
وأنا اللي أصالح

حبيبي أسف
أتغيرت الأحوال
لا تاني حسامح 
ولا حطلب وصال

حنسى حبي ليك
وحدوس على حبي
الحق مش عليك 
الحق على قلبي

أفتكرت انك حياتي 
وإنك عليها أمين 
لقيتك كل أهاتي 
وألم السنين

انت الخسران مش أنا 
لما تجرب غيري 
بكره تذوق الضنا 
لما اشيلك من تفكيري

خلي الغرور ينفعك 
بكره حتعرف قيمتي 
لما الجرح يوجعك 
حتتذكر حيرتي

لا حأدعي عليك في يوم
ولا حقول إنك ظالم
ما عادش بالسما غيوم
وإفهم لو كنت فاهم

عمر الدنيا عشانك حتوقف 
ولا لحظة عشانك حتتغير 
طول عمرك مغرور ومحترف
وقلبي معاك متحير

لا أنا أول حب ينتهي 
ولا أول غرام بيفشل
حياتي من غيرك حتبتدي 
ومن غيرك حتكون أسهل

مع السلامة يا حب ضايع
حسيبك للأيام 
بكرة حتجيني خاضع
لما تفوق من الأوهام
 

 الشاعر 
فهد بن عبدالله الصويغ