جارى التحميل
استخدم زر ESC أو رجوع للعودة
بتنازل كتير
بتنازل كتير وبأسامحك
وجي على نفسي عشانك
خايف لا يوم بعد ما أصارحك
أحط نفسي مره مكانك
بتنازل عشان الحب والعهود
مش عشان ماقدرش أستغنى
أي حب بيموت م الجحود
وبيبقى المغرور عليه متجني
مش عشان بحبك تظلمني
وان كان صبري عليك طول
ياريتك مره بس تفهمني
قبل قلبي عنك ما يتحول
بحاول أحافظ عليك وانسى
كل اللي بتعمله بقيت فيا
خايف لا يوم عليك أقسى
وتموت في قلبي الحنية
إفتكر قد إيه كنت بسامح
ولسه بسامحك لحد دلوقت
أفتكر قد إيه كلامك جارح
وعلى الغلط خلاص إتعودت
خايف من كتر ما أتنازل ليك
يجي يوم واتنازل فيه عنك
خايف قلبي اللي بيداريك
يخيب ليك في يوم ظنك
الشاعر
فهد بن عبدالله الصويغ
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش