البعـد عـنـك

البعد عنك

كل معاني الشعر خليتها لجلك 
وإنت مابان فيك ربع حروفي
كنت أخاف أخسرك ودايم أقلك
إنك حبيبي وأخفي منك جروحي 
كنت أحسب إني بحبي أوصلك 
أتاريك مستمتع برعبي وخوفي
بإخلاص الحب دايم أكتب لك
وإنت تشعل بالعذاب نار جوفي

كنت تخطي وأنا منك أعتذر
كنت محسسني بفضل حبك علي
و بصراحة حبك بقلبي أنكسر
صرت أعرف اللي ليك و اللي لي
خليت قلبي من غرامك حجر 
والبعد عنك صار بالحر فيئ
كنت أشوف من ضياك القمر
لكن اليوم البعد عنك أصبح ضي

من عشقتك و أنا بعشقك مظلوم
إن سرح فكري تلقاني أفكر بيك 
تنام بليلك وأنا بعشقي لك مهموم 
يطير نومي و فكري دايم يناديك
أدورك بين الأفلاك وصوب النجوم 
يمكن أشوفك مره و أقدر الاقيك
بعد عذاب منك أخذت قراري يوم
قلت أبتعد عنك يمكن ربي يهديك

صائغ القوافي الشاعر 
فهد بن عبدالله الصويغ