مـن حبــك أعانـــي

من حبك أعاني

سموك لقلبي حبيبي
وخلوا إسمك على إسمي
كتبوك حظي ونصيبي
وما دارو إنك خصمي

شافوني أضحك وأتبسم 
وما دارو بنار جوفي
مايدرون كم أتألم 
وتتألم منك حروفي

يحسبوني معاك سعيد
والعشق باقي مكانه
مادروا بنارك تقيد
وإنك سبب خسرانه

غرهم وياك صمتي
مادروا بعذابي معاك
غرهم كلامي وهمسي 
وإني بيوم قلت أهواك

يحسبون حبنا باقي
مو خطيت بالإختيار 
يحسبون بالصمت الاقي
حبك ليل و نهار

ما دروا إني اعاني
من حبك لوحدي
واللي جاني منك خلاني
أتمنى الموت وعدي

مايدرون إنك أناني
وإن هواك إنتحار
لو يعرفون ويش جاني
يقولون يا ستار

أعطيتني الحب بتكبر 
تبي تذلني لا والف لا
مقدر عليك أصبر
ولا أقدر عليك لا

صائغ القوافي الشاعر 
فهد بن عبدالله الصويغ