بكرة تشــوف

بكره تشوف

خلك على حالك متمني اﻹماني
بكرة الزمان راح يندمك زماني
ضحكوا عليك وخلوك تهجرني
شجعوا الفراق و يبونك تتركني
إقلب الصورة و روح حرضهم
تلقى صدهم و بعدك يسعدهم 
مالقوا بحبنا عيب زادت الغيرة
احرقهم هوانا وزاد بهم حيرة
يحاولون دوم يتصنعون حبك
وهم دايم يحقدون على دربك
إستمع لهم خلهم علي ينفعونك
لين تشوف حقدهم بعيونك 
موبكل من ضحك لك حبيب
ولو كان من دمك قريب
ترى مايحك جلدك مثل ظفرك
ولا يوزن الكلام غير عقلك
الحاقد حولك دايم مستخبي
يبي عليك فرصة وقلبه متعبي
من جهلك صدقت نصحه لك
تحسبه ناصح وهو يحفر لك
من أمانيه يفشل هوى حبنا
ويثبت لك الخطأ كان قربنا
ناظر لحالته و لا تخله مستشار
مذلول بحياته ولا له أي إختيار 
عايش بدنياه ولا له أي حساب
يدعي العقل و لا تسمع خطاب
آتبعه وعيش دنياك على نصحه
بكره تفهم كلامي تفهم فصحه
ياخذك بالأحضان وقت لاشافك
ومن بعد الغياب ينهش أطرافك
ياليت تقارن حياته بحياتك 
وشوف إشلون يتمنى هلاكك
تذكر من أول من غدر بيوسف
والكذب كان قدامه يوم يوصف 
الغريب إنك تستمع لإمعه
واللي مثلك صعب عليه يتبعه
لكنه جاك على خاطرك يغني
يمدحك ويشكرك و أنا يذيمني
هذه عاداته يدعي الحب دوم 
الغدر طبعه وإنت له صيد اليوم
خلك معاه لين بكلامه يذبحك
يدمر حياتك ومسوي ينصحك
إتبعه أنا منتظر النتيجة معاك
و لحظة فراقك شفتها بسماك

صائغ القوافي الشاعر 
فهد بن عبدالله الصويغ