حبيبي الأسمر 



حبيبي يا أسمر ياتعبني
هو حصلك إيه
دنا قلبي فيك مدوبني
ليه بالبعد تبكيه

ليه بس كده ليه
بتعمل فيه كده ليه
عشان عارف قلبي
بتتقل ياحبيبي عليه

بلاش تتدلع أكثر
وتعالى قوام راضيه
بحبك قوي ياسمر
دا القلب اللي إنت ماليه

وحشني ببعدك عني
جرالك بس ايه
اتأكدت خلاص من قلبي
ولا بتتعبه و تأسيه

وحشاني عينيك بقربك
ووحشني الحب ولياليه
تعالى وخليني جمبك
رجعني لحنانك وماضيه

رجعني لنجوم السما
وع القمر نمشي فوقيه
طيرني فوق السحاب
واحكيلي عن حكاويه

بلاش تدلع أكتر
جيب الدلع وعيشني فيه
تعالى ياحبيبي يا أسمر
رجعني للحب ومعانيه



صائغ القوافي