جارى التحميل
استخدم زر ESC أو رجوع للعودة
الأيام
أه وأه من عذاب الأيام
ياما وياما بقوتها غيرتنا
لا بتسرح أبدأ ولا بتنام
وياما بلياليها حيرتنا
تقربنا من غير ميعاد
وتبعدنا في ثواني
نزلت دموعنا في البعاد
وخلت الحبيب بقى جاني
أهي أيام بتعدي بينا
في بحر الشوق والأحزان
توقف من كل مينا لمينا
وتبعد عن مينا الحيران
حيرتنا عذبتنا بالأشواق
وكل القلوب ماشية معاها
إسألوا القمر عن العشاق
حيقولكم عن ضحاياها
إن قولنا في يوم أه
ضحكت من قلبها علينا
وإن اشتكى القلب هواه
نزلت دموعنا من عنينا
أيام يتجري ورا أيام
وإحنا تايهين ومش عارفين
بتوعدنا وتعشمنا بأوهام
وإحنا بمطارحنا واقفين
عدت علينا ولسه حتعدي
وياما من نارها حنشوف
لا بتوقف ولا بتهدي
أيام وضحاياه ... ملايين وألوف
صائغ القوافي
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش