جارى التحميل
استخدم زر ESC أو رجوع للعودة
ليه بتقتلني بإيديك
ياللي جرحت قلبي
جرحت قلبي ليه
هو عشان بحبك
تعمل كده فيه
تخاصمني وتهجر
وتنسى أيامنا الحلوة
يا قمر إنت تؤمر
بس رجعني لأحلى غنوة
خدني بين إيديك فرحني
خليني أطير من تاني
لأيامنا الحلوة رجعني
خلي الدنيا تمر بثواني
سمعني بقلبك أحلى كلام
وشربني كاس الحب
خليني أعيش ولا بالاحلام
زي زمان وهني القلب
لا تخاصمني ولا أخصمك
وخلي العتاب للتايهين
خلي قلبي جوة قلبك
وخلينا ويا الفرح عايشين
بعنيك أحضن قلبي
قبل إيديك يانور عينيا
إنت وبس اللي بقلبي
وإنت اللي مليته حنيه
بلاش ترجع قلبي للأنين
وللحزن اللي عاش جواه
دنتا الحب والحنين
بلاش تشعل ناره بهواه
حس بيا ياقلبي حس
خلي الدنيا تفرح بينا
دنا اللي بيك بس بحس
إسأل القمر يشهد علينا
ليه تعذبني بالأشواق
وعمرك ماكنت يوم أناني
دحنا ياقلبي من العشاق
حس بيا ياقلبي تاني
تغضب أصالح
تهجر أدور عليك
ليه قاسي وجارحك
وليه بس انا اللي أراضيك
بلاش الظلم والأسية
بلاش الهجر والحرمان
دنتا بس اللي ليا
بلاش القسوة والنكران
ياريت تحبني زي ماحبيتك
وتفكر فيا زي ما بفكر فيك
دنا مصدقت إني لقيتك
ليه بس تقتلني بإيديك
صائغ القوافي
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش