جارى التحميل
استخدم زر ESC أو رجوع للعودة
خد ذكرياتك معاك
ليه ليه بتبعد عني
وتسيب عندي ذكرياتك
زي ماقدرت تهجرني
خد معاك كل حكايات
عمرك ماكنت كده أناني
جرالك ايه وخلاك تنسى
زي ماقدرت قوام تنساني
خليني كمان زيك أنسى
ماتنساس كنا في يوم أحباب
وكان القمر دايمآ عشقنا
كنا بنطير فوق السحاب
والطيور بتبني عشنا
كنت لما تضحك أضحك
ولما تفرح إفرح وياك
كنت تخاصمني وأصلحك
وأغني للفرحة معاك
ماكنتش تقدر تبعد يوم
ولا كنت تقدر يوم تهجرني
كنت في بحرك وحدي بعوم
وتخاف عليا لو تظلمني
خد ذكرياتك وإبعد بعيد
وخليني في بعدك أعيش
ماتبقاش متهني وسعيد
والدنيا تقولي زيك مفيش
رجعني زي ماكنت قبلك
رجعني تاني لدنيتي
مش كفايه تبعد بقلبك
وتسيبني لوحدي بدمعتي
عمرك معايا ماكنت ظالم
ليه دلوقت بتظلم قلبي
خرجني تاني لحضن العالم
ونسيني عذاب حبي
صائغ القوافي
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش