جارى التحميل
استخدم زر ESC أو رجوع للعودة
بكلمة حب
بكلمة حب ملكت قلبي
خدعتني وجرحتني
كنت فاكره إنك حبي
بيها بس أسرتني
ليه قلتلي بحبك
وعلقتني فيك
ولما حبيتك
مابقيتش الاقيك
هو الحب عندك ايه
كلمة وغنوة غرام
ليه بتقسى ليه
مش كده برضه حرام
راح فين وعدك ليه
راحت فين الحنيه
قولي لمين أشتكيك
ولمين أسأل عليك
كنت ليه كل الاحلام
لكن خسارة مابنش فيك
على قد الحب والاشواق
شمت فيا العشاق
فين كلامك بتاع زمان
فين الوعود و الأمان
ضيعتني بكلمة حب
كلمة بس كانت كذب
أديتك قلبي وبعدت عنه
وأنا اللي خليتك حته منه
خسارة والف خسارة
ضيعت وقتي معاك
لو فاكرها منك شطاره
إبقى أفتكر إني بتحداك
راح ترجع تاني بدموعك
تتوسل أرجعلك تاني
بكره حتنطفي شموعك
وحتعرف قيمتي يا أناني
إفتكر عشان الصبر طيب
والزمن دايمآ دوار
داه بكره جدآ قريب
وحتدوق منه طعم النار
صائغ القوافي
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش