إبتسامة حبيبي
أفواه لا تبسمت تبسمت لها الروح
نظرتك بعيونهم تشرح لك الخاطر
نظرة فرحهم تطبب لك جروح
ربي جعل حبهم بالقلب دوم حاضر
أعلن حبهم للكون و بحبهم أبوح
يبعد ربي عنهم كل سوء و مخاطر
بنيت بعشقهم يا خلق جبال و صروح
ودي أذكر اسمهم لكن منا بقادر
لا تبسم غرامي العطر من فاه يفوح
و تشوف عيني بقربه أجمل مناظر
ساحر بطلته يجدد فيني كل طموح
يسعد دنياي بقربه و بغرامه أفاخر
هذا الوفي النقي أبو الوجه الصبوح
لو يبيني معاه لآخر الكون أهاجر
مملوح غرام قلبي يا خلايق مملوح
والقلب يتباهى بحبه و دوم يجاهر
لا نظرني بعينه صرت له مفضوح
يعرف غلاه بقلبي وهو واقف يناظر
أشهد إن عشقه مكتوب لي باللوح
قبل أخلق أنا بالكون كابر عن كابر
كل ما فيني من مشاعر له ممنوح
قد تعدى بغرامه بحر الهوى والمشاعر
صار مالك للقلب واضح بكل الوضوح
ما يبله عراف يكشف حبي أو ساحر
قد تغنى بغرامنا الزهر وحمام الدوح
والقمر فوقنا صار دوم يسهر و يسامر
هذا الحبيب اللي بقربه الروح التسوح
وين مايسافر الروح معاه دوم تسافر
صائغ القوافي
ساحة النقاش