ألا يــاحـرفـي الـحـايـر تــعـال وبـــيـّح المـكنون
وخط أحـلـى مـعـاني الحــب مــحــبوكه وموزونه
أنا العاشـق وأنا المغرم وأنـا الهايـم وأنـا المجنون
وأنـا الـشــاعر وأنا الـكاتب وأنـا الأبــداع لعـيـونه
وأنا الغرقـان في حـبـه لو كـــل الـمــلا يـــدرون
وأنـا الدكـتـور في تـدريــس علم الـحـب وفــنـونه
وأنا الـسـاير وأنا الـحـاير لـزمـه نـظـرتـه مرهون
وأنـا الـلازم وأنـا الــخازم لــجرح الـقلب وطـعونه
وأنا الـراسـي ومـن راسي أصوغ البيت به موزون
وأنـا الخافـي وأنـا الكافي وعــهد الـحـب ماخـونه
وأنا اللـي أكـتب أبـياتي لجـل عـيـنه بـحرف النون
تـركـت الأبـجــديـة عـمـد وأصوغ الـقـاف من نونه
خذا قـلبي سـبا عـقـلي سـرق فكري بلطف وهون
أنــا كــلي فدا قــلـبـه ومــن دونـه وفـــي دونه
فريد الشكل والنـظرة فريـد الـوصـف والمـضـمون
فــداه الـروح وإن راحت عـسى الغزلان يــفــدونه
فــديــت الـطول والرّزه فديــت الــورد والليمون
فـديـت الـخـد والـوجـنـه فـديـت اللـيـل وســكونه
أشـــوف اللـيـل مــن دونــه ومجدولٍ عليه قرون
يــــا وجـــه الله إذا فلّه يــــهــز القــلب وركونه
فــديــت الموج بــعــيــونــه يـلون بين لون ولون
وإذا أنـــا ألــون وأجـــيب اللـــيل مـــن لـونـــه
عـليه عيون...بسم الله...وبسم الله...عـلـيه عـيون
كمـا سـيـفٍ بـيد قـايـد وراه الــجــيـــش يـتـلونه
أنــا أحــبـه وأحـلـف له ورب الـتـيـن والـزيـتـون
أنـا كـلي تــحـت أمره وروحـــي فـــيه مــرهونه
أنـــا فـــرقــه تــغـني لـه على ذوقـه بكل فنون
عـلـى ألـــحــان سـوريـه ومـوالات (دلــعـونه)
عــلـى الـقـيـتار والمزمار ألـحـن من غلاه لحون
بــــلا كــاظــم بــلا سـاهر تعـال وشوف وشلونه
أبــي أصـبـر وأنا مجبر وابي أبقى كما المسجون
نــشف دمي وأنا همـي أشـوف الـغــيم ومــزونه
أجر الصوت والونه وأنادي عزوتي تكفووووون
مــن اللـي يـقـدر يــجيــبه وأنـا بصـيـر ممـنـونه
أنا العاشق وأنا المغرم وأنا الهايم وأنا المجنون
وأنـــا الشاعر وأنا الـكـاتـب وأنــا الأبـداع لعيونه
