أنا الأزهري 
كلمات / حامد الأطير

جريدة شباب مصر ابريل 2013
أنا الأزهرى أنا الأزهرى 
لما اتكلم 
الحق فى الكون ينجلى
انا الأزهري 
منا التقى منا الولي 
أنا النور و انت الضلام 
انا الحقيقة مش أوهام 
أنا صادق الرؤية 
و انت سئ الأحلام 
أنا حبيب نبى الأنام 
انا العلم والعلام 
وانت الطفل والغلام
انا البشرى انا التنوير 
وانت الهم والتكدير 
أنا الدعوة أنا الحكمة 
و انت ما تعرف الرحمة 
انا طالب الجنة 
لأهلى وليا فى الدنيا 
و انت طالب السلطان 
وعرض الدنيا الفانية 
بقول الاسلام آيات 
تحذير و محرمات 
وبشرى بالخير فى الجنة 
وانت تملي ترهبنا وترعبنا 
تعيشنا جهنم الحمرا 
أنا صوت الحق الهادى 
وانت جعجعة بالفاضى 
أنا بقول الكلمة زى ربى ما أمرنى 
وانت عامل محكمة وقاضى 
بدون حق ليه تكفرنى 
انا لدين ربى بشرى وبشير
وانت للدين سئ التفسير
انا لأهلى أمن و سكينة 
وانت اللى خربت المدينة
انا نور من الله 
وانت هم هينجلى
انا الشيخ انا الولى 
من علمى تعالى وارتوي