من يناير ابتدينا والحقيقة

احنا ثايرين كانا قبل الحريقة

واللى شافنا واحنا

ماليين الشوارع

واحنا طالعين م الكنائس

والجوامع

والعلم فى ايد اللى نازل

واللى طالع

يعرف اننا احرار من فجر

الخليقة

بس لسه بدرى جدا ع النهاية

لما ناخد حقنا ومش كفاية

اللى سرقنا يتسجن ودى البداية

بالعدالة وحكمها هاتوا السريقة

اللى حرقوا القديسين

قبل يناير

كانوا عاوزين يقتلوا

فينا البشاير

بس احنا طلعنا اوعى من عينيهم

قمنا نغلى كلنا

والشعب فاير

بالورود كنا مدين

ايدنا ليهم

بالخراطيم اغترقنا

والخراطيش انضربنا

بالرصاص والغاز روحنا

دمنا هيخضر الارض الشريقة

كل دا واحنا مكاننا

ولا جرينا ولا افترقنا

جرس كنيسة ....ادان فى مئدنه

الكل صلى ...الكل يهتف....الكل غنى

ازاى نروح واحنا سايبين

الغريقة

المصيبة لما تيجى

م الكبير

حتى مش عارف

يفكر او يدير

يبقى عمره فى الكبارة

شئ كتير

تيجى هفوة واحدة بالنفس البريئة

واللى تحته ولعوا فيها

وباتت

كل حتة من جمال

الحلوة ماتت

وهو ماسك فى الكرسى وساكت

رحنا طالعين ع الميدان ودى الطريقة

كنا بنعلى فى صوتنا

وهو يعند

لما يتكلم ويخطب

كنا نسكت

بس يتغابى علينا

كنا نصمد

لما شمس الحق يوم

الجمعة طلعت

والفيران فى جحرها

جريت وهربت

رحنا نضحك والدموع

نازلة بضيقة