كان كابوووووس

جانى واحد

لبسه اسود

فوق دماغه

قحف اسود

قال لى يلا

بسرعة اجرى

هد بيتك يا بن بلدى

هد واللى يبنى عندى

واللى بيننا فيفتى فيفتى

لو توافق تبقا فلة

يا حبيبى ....احنا شلة

راح تنول م الحب جانب

واللى صوته عالى غالب

بس اياك والخيانة

راح تطير فيها رقايب

يلا ننزل بكره بدرى

يلا نقفل فى الشوارع

هات فى طوب اعمل موانع

والا نحرق فى الكنايس والجوامع

والا نخرب فى المزارع والمصانع

والا ايه رايك

ما تفتح لك اذاعة

كل يوم الصبح

تنشر لك اشاعة

اعلاناتك نازلة وانت مش ملاحق

ع الغسيل والشاى بفتلة

ع الصابون والا الملاعق

كل يوم تعزم حبايبك

وانت قاعد بيه ورايق

وبنت نغشة راشة بودرة

تقرا نشرة كل ساعة

والناس تصدق كل حاجة

فاكرة عندك م الحقايق

تبات نعيمة الناس ورايقة

تصبح الصبح فى حرايق

ينزلوا كله

الكبير قبل الصغير

الطويل شايل قصير

اللى شارب سانده ...فايق

كل دا وانت مكيف

فاتح التسجيل وسايق

والغنم عماله تاكل

لا هى داريه

باللى جارى واللى حاصل

وانت شاطر

لو فى مرة تتزنق تطلع لفاصل

كلها كم ازمة تبقى بيه وواصل

والا ايه رأيك ما تيجى

نلعب العسكر حرامى

يلا نسرق يلا نتهم

فى اللى ساهر واللى حامى

يلا نلبس لبس جيش

انت ظابط

وانا من تحتك شاويش

نسحل الخاين جبااااااااان

اللى قال ايه؟ نام جعان

انت شايف كل دول

الحقيقة دول ........فلول

بيقولوا ع اللحمة .........فول

تلقى صوتهم بس عالى

لو تدور فى جيوبهم

ما تلا قيش

اكيد فلوسهم سربوها

وتسألوا يقول ما فيش

يلا نضرب ......يلا نقتل

راح نوقع دول فى دول

بعدها نقعد ونقسم

ع الخريطة يلا نرسم

خط بيننا الحد يفصل

بس آخرى يا حبيبى

عند آخر السودان

وانت شوف الباقى

يالا دور

يلاالحق لك مكان

عاوز اكنس عاوز امسح

عاوز اقفل البيباند

روح يا شاطر لسه واقف؟

قوم يا شمعون وصله

لآخر الزمان

فجأة وصحيت م الكابوس

رحت تافل عن شمالى

قلت ملعونة الفلوس

نفسى لو كنت امتلك

كنت كبلته بسلاسل

واحرق اللعبة اللى كانت

عودتنا ع التواكل

اتقوا الله فى الغلابة

دا انتوا زى الدود بياكل

يااااااااااااااسلاااااام

لو فى النهاية

يسألونى هل نذيع؟

يبقى ردى لأ طبعا

فى السريع

هيييييييييييه

فركش شوفوا غيرها

مش هبيع

هى باقية واللى هيفكر

يهد راح يضيع

ابنى افضل م السكوت

ابنى دا انت بعدها

صاير لموت

ابنى واعقل

هى زنقه وراح تفوت