يا بحر عاجباك وحدتى

وانت اللى منك غربتى

من يوم يا بحر ما جبتنى

وانت ........ناسينى

عصفور وبردان فى الخلا

وانت اللى هايج

وانت اللى خليت الفرح

فارق ......سنينى

وانت اللى مشيت مركبى

على سيل عيونى

تجرى تكتر فى السلاسل

والشبك......... بينى وبينه

أحلام تضيع عمرها

تستنى منى

كلمة فى ورق غرقتها

فى حبرها

قبل الموانى

والحبر ملحك غيره

وشفره اسود وبنى

آآآآه للعروسة ورملها

وشطها اشتقت تانى

حصوك فى جوفى

نشف الكلمة فى لسانى

لابس عباية البرئ

وانت اللى جانى

يا جنى لابس ضلعتى

أرجوك فارقنى

ولا انت عطشان للهموم

عاشق شجونى