• شايفينها وعارفينها

باذن المولى حافظينها

واولادها واحفادها

تخمس للى حاسدينها

ورقيينها بآيات قرآن

اخد منها حلاوة الصوت

وفى قلوبنا وشايلينها

وواخدينها فى رحلتها

وعشق الروح دليلنا

يوصلنا ويسكت نوح

وتطلع من شفايفها

بضحكتها سلام ويروح

على الخلان على الصحبة

وفى القمة تبات وتقوم

وتمطع على فرشة

من العناب وريش ونعام

يرفرف فوق تيجان الحسن

لعيونها ..ولو تبكى اغنيلها

واطريلها فى قعدتها

والملم من حواليها

بقايا الروح

ولو تزهق بخلوتها

تنادينى اكلمها واحكيلها

وافتح طاقه من ريحها

وتتنسم فى عصريه

بعطر يفوح

ولو هتروح

على الخضرة وبالفطرة

ااغمس من نعيم نيلها

ويوم تلقى حبايبها

وحضن يدفى ويكفى

ويشفى جروح

ويبقى العفو من جوا

اصيل مطروح

من الطيبة

وفى الطينة دهب مزروع

وبنتك حلوة سمراية

وصقفة ويا طبلاية

وشمس تسيح

فى جرن فسيح

ويوم العيد يكون عيدك

ومن ايدك شراب الفرح

واناولك واللى تديله

بيدعيلك يشيل ويروح

ويبقى الكل شايلينك

وشايفينك

تغنى للى يحميكى

ويفديكى بكل الروح