من يومى وانا مرزوق

ببنت حلال

وبعد الزفة والدخلة

والذى منه

وكل الناس كانت جايه

لقيت الكل راح راجع

وقفلوا الباب

ووسط البيت لقيت نفسى

مع نفسى

لقيت واحده بصوت عالى

انا استغربت

وفجأة وقفت متشنك

ومش لاقى

ابص أدور

فين الباقى

انا اللى خطبتها واحدة

بصوت واطى وشعر حرير

وكلمة بتهمس فى ودانى

ولما لقيت بيبان البيت

بتتقفل

قعدت ادعى يارب نجينى

من الليلة اللى انا فيها

وبعد ما عدت الليلة

وكمان ليلة و الليلة اللى بعديها

صحيت م النوم لقيت نفسى

على شغلى جيوب فاضية

وضهر محنى

سمع ما فيش

ونظرى راح

بقيت شيش بيش

ورحت مفصل نظارة

ويا خسارة

اكحكح فى ربيع العمر