<!--

<!--<!--

مش راجع ولا ساكت مهما التهديد يزيد هددونى بالقتل وهددونى بالخطف وهددونى بكل شىء هو ال يدور على حق بلدة بيكون غلطان لا انا ناوى ترشيح ولا نازل انتخابات ولا طمعان فى شىء ولا انا عايز اكسب شعبية البلد دى بلدى واطفالنا بتموت من تلوث مياة الشرب ومحطة المياة المسؤل عنها مكبر دماغة ومش سائل فى اى حد بيدعى الوصول والمحسوبية طيب يا سيدى طول م انت طبال انا زمار وراك وال يغلب نسلخ جلدة بس ليا كلمة حابب اقولها فين السادة المحترمين ال نازلين البرلمان ال نفخونا انهم هيجيبوا الخير لليلد انتم فين يا اهل الخير مكبرين الجمجمة لية وساكتين ومطنشين طيب انتم معاكم المال وبتشربوا مياة معدنية بالكراتين الناس الغلابة تعمل اية تموت بالفشل الكلوى والالتهاب الوبائى انتم عايزين كدا حبين اهل الدائرة يكونوا بفراش المرض والموت علشان تظلوا متحكمين فيهم انتهى زمن البلطجة والناس فاقت وكل واحد عرف حقة وعرف يختار مين يمثلة ومين يجيب له حقة مش عايزين افندية وبدل وكرافات لاء يلزمنا واحد غلبان زى اهل الدائرة يجرى ويحارب ويقاتل علشان يجيب كوب ماء نظيف لاهل الدائرة مطوبس لها عمر طويل منهوبة ومسروق حقوقها اتنهبت ارضها واتنهب خيرها وكل واحد بيغرق منها مغرفة واهلها مكفوفين الايدى هو دا العدل وهو دا الخير ال جاى للبلد ارتحنا من الخرفان وظهر لنا المعيز والله ما فيكم واحد ينفع يكون عضو مجلس مراجيح مولد النبى بالطريقة دى
ال عايز الناس تقف وراة بشوف المصلحة العامة والمهمة والضرورية ويورينا همته اين انتم من هذا الموضوع مكسلين ولا خايفين ازعلوا منكم حد من اجل اهل بلدة شكرا للاستاذ نشأت العلوانى على اهتمامة بالموضوع وتحركاتة شكرا للناس البسيطة ال اهتمت بأمر الناس الغلابة ال مش قادرة تشرب مياة معدنية وبتشرب مياه صرف مخلوطة بمياة الشرب ربنا انشاء الله معاكم ولازم المتسبب يحاسب ارتحنا ومرتحناش البلد بتنضف وللاسف لسة فيه ناس واخدة ع التخريب والدمار مستخبية وراء مكاتبها نداء الى فخامة الرئيس البحث داخل المصالح الحكومية والمحليات عن زيول وتوابع الارهاب انفذوا ما تبقى لنا من خير من هؤلاء اغيثونا نحن اهالى مدينة مطوبس وتوابعها من مياة الشرب المختلطة بالصرف الصحى الغير صالحة للاستخدام الادمى او الحيوانى

بقلم : محمد عمران ( ابن مطوبس )

شكرا للاستاذ نشأت العلوانى الذى تقدم بهذا البلاغ للسيادة النائب العام والان جارى تقديم العينة من مياة الشرب بمطوبس
============================
معالى المستشار النائب العام كل عام وسيادتكم بخير بمناسبة شهر رمضان الكريم
بعد التحية والاحترام والتقدير
نناشدكم من أجل الغلابه البسطاء من اهالينا فى فى مركز مطوبس محافظة كفر الشيخ الذين يعانون من تلوث مياه الشرب التى تضخ لنا من محطة مياه شرب مطوبس تلك المحطة التى كلفت الدوله أكثر 170مليون جنية من قوت الغلابه نتقدم لسيادتكم اليوم بهذا البلاغ ضد محمود رفعت ابوزامل رئيس محطة مياة شرب مطوبس مهندس أسامه حمدى عبدالواحد بصفته محافظ كفر الشيخ نتضرر نحن اهالى مطوبس وضواحيها من تلوث المياه التى تضخها محطة مياه شرب مطوبس بعد تفشى امراض الفشل الكلوى والاتهاب الكبدى الوبائى والتيفود والالتهاب السحائى وأمراض عديده نناشد سيادتكم باسم كل طفل وامرأه ورجل باسم الغلابه الذى يشرفنى ان أكون واحدمنهم حفاظا على ارواحنا حمياة للاجيال القادمه سيادة المستشار النائب العام نناشدكم بالتحقيق مع الاول والثانى نناشدكم بتشكيل لجنه من خلال سيادتكم عادله وثقتنا نحن
الشعب فيكم كبيره وذلك لكشف الحقيقه وانقاذ المواطنين من تفشى الامراض حرصا على أمن وسلامة المواطنين بمطوبس كفر الشيخ
وفقكم الله ورعاكم وجعلكم عونا للضحايا
مقدمه لسيادتكم
نشأت العلوانى من ابناء مطوبس