لحظة خيال ...
إتبدلت كل المناظر في المكان
بنت بآمال .... وحصان جموح
خياله كان .... راسم على جبين الفرس سطرين جروح ....
لبعيد بعيد
عالم سعيد ... وأميرة فاردة شعرها لبكره اللي جاي
أرغول وناي ...
والفارس اللي حبته ... فوق السفوح .... مليان جروح
وبعيد كمان .... البنت دايبه كلها في ضمة حنان
إتألمت لكنها ما إتكلمت ...
أول ما بعنيها قرت ... دمعه على جبين الفرس نازله تنوح
خلص الخيال ..
ومحال يدوم الحال محال ...
البنت شافت ضلها بيقصر ساعات.... إتألمت !!لكنها إتعلمت
أول ما تلقى الشمس رايحه للسكات
تدخل تنام ... يمكن تشوف الشمس تاني في المنام
والفارس اللي حبته ...
يبقى له إسم .. ولون .. وروح
خيال