((عطشان يابهية))
يامّايا يابهية
تايه في الدنيا ديا
والسراب دليل
عطشان أنا يامّايا
ونشفت من جوايا
دليني على السبيل
يامّايا يابهية
بحلم بنبع مية
وعذوبة السلسبيل
تترد روحي فيا
وأرتاحلي يامّا شوية
من مشوار طويل
وميل من بعد ميل
ينهش من صبايا
أجمل السنين
يادنيا يارحايا
بصي في المرايا
وإعرفي إنتي مين
تطحني العظام
وتسعدك ألام
جروح المجروحين
يادنيا من بدايتك
والسواد ليه رايتك
والكل غرقانين
نفسي يابهية
يتسرسب بق مية
من قرب السقايين
ولا مكتوب عليا
أعطش يابهية
وبيجري فيك النيل
بقلم طارق السيد