مومياء يويا وعلاقتها بسيدنا يوسف عليه السلام

مومياء يويا وعلاقتها بسيدنا يوسف عليه السلام واللي بيزعم البعض ان يويا هو سيدنا يوسف عليه السلام 😕🤨
في الاول كده خلينا نقول مين هو يويا ده 🤔
يويا كان مستشار او وزير للملك وكان زوجته اسمها تويا او ثويا وكانت بنت كاهن الإله " مين " إله الخصوبه عند المصرين وكانت مشرفة ملابس القصر الملكي يويا وتويا خلفوا بنت اسمها "تي" اللي احبها وتزوجها الملك امنحوتب التالت وخلفوا امنحوتب الرابع اللي هو اخناتون والد الملك توت عنخ آمون واللي بالمنسبه اسمه الحقيقي ايام فترة حكم والده كان توت عنخ آتون 🤯
تعالوا بقا نشوف البلبله اللى حصلت علي مومياء يويا بسبب نظرية الكاتب احمد عثمان واللى كان اسمها " غريب فى وادى الملوك " والنظريه دي لها 9 اصول هنقولهم الاول وبعدين نثبت فشل النظرية 👌😎
1_ احمد عثمان بيقول في النظرية دى ان اسم يويا اجنبي وغريب عن المصريين وده اللي قاله جاستون ماسبيرو وهو واحد من اللى حضروا خروج تابوت يويا وقال ان المصريين كاتبوا اسمه بكام طريقة مثل ( يويا _ يو _ يايا _يى آى _ يوي _ يايى) وده دليل على انهم مكانوش عارفين يكتبوا اسمه لانه مش مصرى
2_ قال كمان بتشابه اسم يويا مع يوسف واحتمال نسب الياء الى يهوى اللى هو إله الخصوبه عند العبرانين وان المقطع يوي بيستخدمه كثير من العبرانين مثل يوسف _ يهوى _ يعقوب
3_ الألقاب اللي اخذها يويا في حياته واللى كان منها ( الاب المقدس لسيد الارضين _ حامل اختام الملك _ المشرف على تيران الإله آمون _ أبو الفرعون) واخر لقب بقا ويعتبر اهم لقب وهو اللقب اللى سبب الجدل لانه نفس اللقب اللى أطلقه ملك مصر فى التوراه على سيدنا يوسف فى سفر التكوين
4_ فى التوراه اتذكرت قصة السبع بقرات الشهيرة وفي التوراه برضوا اتكتب ان لما سيدنا يوسف فسر حلم الملك اهداه 3 هدايا اللى هما ( خاتم الملك _ عجلة حربية _ عقد من الذهب) ولما دخلوا مقبرة تويا وجدوا تقريباً 3 حاجات ماعاد الخاتم اللى افترضوا انه اتسرق
5_غرافتون سميث وهو عالم في التشريح لما درس مومياء يويا لاحظ ان طول المومياء اطول من الطول المعتاد للمصريين القدماء وكمان شكل الوش والانف المعقوفة كل ده اكد انه شخص اجنبي وان سيدنا يوسف كان اجنبي مش مصرى لكن مراته تويا كانت مصريه وده اللى بيأكد طبقا لنظرية احمد عثمان ان ده يوسف عليه السلام
6_ ان سيدنا يوسف مات كبير في السن ف التوراه بتذكر ان هو مات وهو عنده 110 سنه ولما فحصوا مومياء يويا وجدوها لشخص عدا المائة سنه وبيأكد فى كتابه ان مومياء يويا بتأكد ان هو كان شخص وسيم فى شبابه حتى ان شعر المومياء مازال لونه اصفر وعنده لحية صغيرة
7_ ان مقبرته ماكنش فيها ولا رسمه بعكس عادات المصريين اللى كانت مقابرهم عباره عن لوحة فنية بيمجدوا فيها الألهة والملوك فقالك ان ده دليل على ان يويا ما كنش بيؤمن ب أى إله
8_ إن مومياء يويا واحدة من نوادر الموميوات اللى لم يصيبها ضرر او تلف حتى ان التحنيط كان معمول ب إهتمام بالغ ف هنا احمد عثمان قال ان مدام المومياء متحللتش ف ده مش بشر عادى ف طبقا للرويات الدينية الارض لا تأكل اجساد الانبياء
9_ دفن مومياء يويا و تويا في مقبرة ملكية فى وادى الملوك على الرغم انهم ماكنوش ملوك وعمر الوزير او المستشار ما يدفنو فى مقبرة ملكية مهما كان مكانته او نفوذه
دي كلها مبادئ نظرية احمد عثمان
⬅️ نقد النظرية وإثبات فشلها
1_ ان الاعتماد الرئسي فى النظرية دى كان على تشابه الاسماء بين يويا ويوسف وده إعتماد ضعيف جدا ولا يرقى للمستوى العلمى
2_ النظرية اخذت اللى يوافقها من التوراه وهى حتة الألقاب ان فى التوراه مكتوب لقب سيدنا يوسف ابو الفرعون ويويا كان من ضمن ألقابه ابو الفرعون لكن النظرية أهملت اللى ميوفقهاش من التوراه زى مثلاً فى التوراه إتقال ان بنى إسرائيل وهما خارجين من مصر اخدوا معاهم جثمان سيدنا يوسف ف إزاى مومياء يويا اللى موجوده فى مصر هى سيدنا يوسف
3_ فترة حكم أمنحوتب الثالت ومن بعده أمنحوتب الرابع اللى هو ( إخناتون) وحتى قبلهم بشويه كانت من اكتر الفترات إستقرارا فى مصر ونفوذ مصر كان واصل خارج حدودها والفتره دى اتقال فيها ان كان موجود يويا وكل ده بيناقض الفترة اللى اتقال فيها ان كان موجود سيدنا يوسف لان الفتره اللى اتقال فيها ان سيدنا يوسف موجود اتعرضت فيها مصر لكثير من المجاعات واللى كانت سبب في خروج سيدنا يوسف من السجن اما الفتره اللى كان موجود فيها يويا محصلش فيها كده وكانت مصر مستقرة
4_ فكرة بقا انه كان اجنبى وعايش فى مصر فخلينا نقول ان فترة حكم امنحوتب التالت وامنحوتب الرابع طبقا لرسائل تل العمارنة كانت من اكثر الفترات اللى مصر كان ليها علاقات خارجية وكان في اجانب كتير فى مصر فكان شئ عادى مش مستغرب
5_ ان اللقب اللى اعتمدت عليه نظرية احمد عثمان اللى هو لقب أبو الفرعون اللى بيقول ان سيدنا يوسف عليه السلام اتذكر فى التوراه انه اتلقب ب اللقب ده وان يويا تلقب بنفس اللقب برضوا يبقا يويا هو يوسف عليه السلام اللقب ده ماكنش خاص ب يويا بس وانما اتلقب به كتير من الوزراء فى مصر
6_ من اهم الحاجات االى بتطحن النظرية دى انهم لقوا لقب من ألقاب يويا يناقض التوحيد وانه لقب يناقض رسالة الأنبياء السماوية وهو ( كاهن الإله مين) اللى هو إله الخصوبه عند المصريين يبقا بالمنطق كده ازاي هو سيدنا يوسف 🤔😎