ملاحظات أساسية عند كتابة الأبحاث:

1- ظبط حجم الخط 14 Simplified Arabic بالنسبة للكتابة العربي و Times new Roman في الكتابة الانجليزي.
2- المسافات بين الخطوط 1 في العربي على الخط اللي عملناه و1.5 في الانجليزي.
3- العناوين بتكون 16 Bold والعناوين الفرعية 14 Bold وممكن نستخدم Underline لو في اكتر من عنوان فرعي.
4- العربي لازم الصفحة تكون Right to Left والانجليزي Left to right
5- هنعمل Justify للفقرات عشان يبقى في محاذاة من الاطراف.
6- لو عايز تعمل مسافة قبل كل فقرة ممكن تضغط Tab قبل كل فقرة بس تلتزم بيها في في كل البحث.
7- هنسيب مقاس الورقة A4 والهوامش على الوضع الافتراضي لحد ما نخلص والكلية بتحدد الشكل النهائي للرسالة وسهل تغيرها بعد كده.
8- نخلي بالنا من المسافات الزيادة في ناس ايديها فرطة في المسافات بتعمل مسافات ملهاش لازمة.
9- علامات الترقيم كلها لازم تبقى لازقة في اخر كلمة مفيش قبلها مسافة والمسافة بتكون بعدها.
10- الأقواس في مسافة قبلها واللي جوة القوس لازق في الكلام زي كده (مثال).
11- النقطة في اخر الفقرة بتكون لازقة في اخر كلمة مفيش مسافة قبلها.
12- المراجع اسهل حاجة انك تعمل ALT+CTRL+F وبتنزل من غير أقواس وبتكون متسلسلة تلقائي يعني لو رحلت في صفحة تانية بتاخد رقم 1 عادي.
13- متحطش الأقواس بتاعة المراجع بايدك بعد ما بتخلص في برامج أو اكواد بتحطها كلها مرة واحدة وتظبط تنسيقها.
14- الجداول مبتتحركش بالماوس عشان بتبوظ كفاية سطر فاضي قبليها وسطر فاضي بعديها وممكن نتحكم في حجم المسافة عادي.
15- نخلي بالنا من الهمزات الكلمة اللي انت عارف انها بهمزة اعملها لو مش عارف ممكن تشوفها على جوجل واهم حاجة تكتبها في كل البحث بنفس الطريقة عشان لو هتراجع بعد كده ممكن تتعدل الكلمة في البحث كله مرة واحدة.
16- لو هتحط صور اعملها فراغ كام سطر كده على حسب مقاسها وخليها In front of text هتقدر تتحكم فيها وتحطها في المكان اللي انت عايزه.
17- لو في رسومات بيانية Charts هتتعمل في الاكسيل وبعدين ننقلها في الورد ده اسهل.

منقول

azazystudy

مع أطيب الأمنيات بالتوفيق الدكتورة/سلوى عزازي

  • Currently 0/5 Stars.
  • 1 2 3 4 5
0 تصويتات / 85 مشاهدة
نشرت فى 28 يونيو 2019 بواسطة azazystudy

ساحة النقاش

الدكتورة/سلوى محمد أحمد عزازي

azazystudy
دكتوراة مناهج وطرق تدريس لغة عربية محاضر بالأكاديمية المهنية للمعلمين، وعضوالجمعية المصرية للمعلمين حملة الماجستير والدكتوراة »

ابحث

تسجيل الدخول

عدد زيارات الموقع

4,579,800