إوعى الصورة تضحك عليك،
كلنا أراجوزات،
كلنا مهرجين،
كلنا بنمثل ونعيش اللحظة،
والصورة، عمرها لحظة.

لو في كاميرا بتقدر تصور كسر الروح ووجع القلب،
زي ما بتصور الوش المتزوق والضحكة المرسومة،
كانت اختلفت الصورة..

لو متصور انك متابع حد وعارف أخباره،
وفاهم حياته ماشية ازاي، من اللي بيوصلك من صوره،
أحب أحيط سيادتك علما بإنك ما تعرفوش ، ولا عمرك شفته كمان،
وكل ما وصل لعلمك، هو من صنع خيالك، لا أكثر!

في واحد بيصور الحالة اللي نفسه يعيشها،
وواحد بيصور الحالة اللي عايز الناس تشوفها،
وواحد هربان من نفسه،
وواحد واخد أجازة من الحقيقة،
وواحد وواحد وواحد...
#كلنا_هربانين
#كلنا_مهرجين
#كلنا_ممثلين
#كلنا_أراجوزات