<!--<!--[if gte mso 10]> <mce:style><! /* Style Definitions */ table.MsoNormalTable {mso-style-name:"جدول عادي"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-parent:""; mso-padding-alt:0cm 5.4pt 0cm 5.4pt; mso-para-margin:0cm; mso-para-margin-bottom:.0001pt; mso-pagination:widow-orphan; font-size:10.0pt; font-family:"Times New Roman";} -->
<!--[endif] -->
كلمات .. سمير أبو الحمد
<!--<!--[if gte mso 10]> <mce:style><! /* Style Definitions */ table.MsoNormalTable {mso-style-name:"جدول عادي"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-parent:""; mso-padding-alt:0cm 5.4pt 0cm 5.4pt; mso-para-margin:0cm; mso-para-margin-bottom:.0001pt; mso-pagination:widow-orphan; font-size:10.0pt; font-family:"Times New Roman";} --><!--[endif] -->
------------------------------------------------------------------------
<!--<!--
دنيا
من عيون الصبح طالعه
بنت تشبه للندى
عصفوره على شجر البراءه
بتقول خلاص عمرى بدا
م النهارده بتوب جديد
وخطاوى واثقه مؤكده
حزرع ف أرض بلادى عيد
أنا دنيا وبفكرى الوليد
ف الجامعه وبعقلى الرشيد
حعلى رايتك ياوطن
ولا لحظه حتعدى سدى
----------------------------------------------------------------
أروى
أربع حروف دول إسمها
شاطره ومحدش زيها
أروى جميله ف الملامح
والصفات ياسعدها
حبت أكيد المدرسه
طرح الهوى سكر نبات
سكة عبور للجامعه
تسعد أهلها
----------------------------------------------------------------------
ضحى
ضحى ضحى
زهره فى عمر الربيع
طالعه بتتحدى الجميع
بالعقل والعلم البديع
شموسه شارقه ف الضحى
نجحت خلاص بعد التعب
وبالحماس والعلم والنور والتفاؤل
حاضنه الحياه أجمل ضحى
-------------------------------------------------------------------------------
الاء
جايه النهارده وف عينيها إبتسامه
فرحانها بنجاحها أكيد
والتفوق ده علامه
جايه تنده ع الحياه
بعد المذاكره والاجتهاد
والدعاء وقت الصلاه
الاء دى رايحه الجامعه
ع الوش الامل
والفرحه نبض
ف قلب بابا وقلب ماما
--------------------------------------------------------------------------
لجين
ياخلاصة الفضه
يااخت الذهب
النجاح إتوضا ف عنيكى البريئه
يالجين من بعد التعب
والنهارده بتفرحى بحق وحقيق
والطريق للجامعه
ياسكر وجب
------------------------------------------------------------------------------
لمى
لمى لمى
كل الصحاب حواليكى
أهى متبسمه
فرحانه بثمار إجتهادك
وحتى كل معلمه
بتقول مبارك ع النجاح
ويارب تعلى للسما
يالمى وتعلى راياتك
----------------------------------------------------------------------------
مشاعل
ياإسم نادر
فى حروف الابجديه
إسم زى الضى فاعل
شارق ف صباحاتنا النديه
ولو ندور ف المدارس عن ذكيه
عن تفوق واجتهاد
كلنا حنقول مشاعل
-----------------------------------------------------------------------------
ديمه
النهادره ديمه جايه بتوب جديد
ف العيون نهرين تحدى
ع اللسان أروع نشيد
خلصت سنين المدرسه
ونجحت من بعد إجتهاد
والتفوق أحلى عيد
----------------------------------------------------------------------------
ملاك
إسم ف حروفه صفه
الهدوء والعلم والهمس النبيل
إستيعاب الدرس
بالعقل الجميل
والنهارده بتبتسم بعد النجاح
والطريق للجامعه
ده أروع دليل
-----------------------------------------------------------------------------------
لوجين
لوجين دى أحلى البنات
ف الدرس عنوان التميز
والهمس من أحلى الصفات
عايشه تحب المدرسه
عايشه بتروى حلمها
علم وثقافه وفكر
لجل يطرح إنجازات
-------------------------------------------------------------------------------
تهانى
تهانى
إسم فيه أحلى المعانى
إسم عنوان المناسبه
والصباح الاخضرانى
إبتدت تحلى الحياه
لما نجحت ف إختبارها
لماعم الفرح دارها
لما كل الفصل زارها
لجل مايزف التهانى
----------------------------------------------------------------------------------
بشرى
البشاره النهارده
جايه عنوانها النجاح
والجميع بيغنو بشرى
زهره فى أجمل صباح
بشرى تعبت ف المذاكره
وبتبتسم بعد الكفاح
-----------------------------------------------------------------------------------
هبه
هبه
كلنا نهنى هبه
الجميله الطيبه
اللى نجحت وبتفوق
وطول حياتها مؤدبه
ألف مبروك النجاح
وده م الاله أروع هبه
كلنا نهنى هبه
---------------------------------------------------------------------------------
وجدان
ياطلة الصبح الجميل
ياورده فى بستان
نجاحك ده دليل
ع الجهد ياوجدان
وعلى إستيعاب الدرس
ف المدرسه والبيت
على وش مستقبل
جايلك باذن الرب
ضاحك أكيد فرحان
---------------------------------------------------------------------------
نور
ولازى نور ف المدرسه
شاطره ومهضومه
دكتوره ولا مهندسه
أو حتى تبقى معلمه
راح تبقى مهضومه
نور الصبيه المستحيه
اللى بتشبه للندى
ف الصبح أو ف المكتبه
متسيبش معلومه
نجحت وفرحت الجميع
ودى أحلى معلومه
-------------------------------------------------------------------------------
مريم
مين زى مريم ف الوجود
مين قدها بعد النجاح
طيبه ونقاء من غير حدود
وثقافه ف العقل سلاح
طلتها أجمل م الورود
ونجاها ده أجمل صباح
------------------------------------------------------------------------------
برديس
برديس رفيقة عمرنا
زهره جميله ف فصلنا
شاطره ولا كل الكلام
يقدر يعبر ع اللى ليها ف قلبنا
جايين على وشوشنا إبتسام
علشان نبارك ع النجاح
جايين نهنى كلنا
-----------------------------------------------------------------------------
ايه
ياإسم م القران
حروفه من السما
ايه ياشط أمان
ياتفوق ملحمه
ياعطاء ف كل مكان
ودايما متبسمه
جاى النجاح عنوان
بعد التعب والسهر
والمدرسه كلها
بحبك مغرمه
-----------------------------------------------------------------------------
ريم
ريم . تلت حروف إسمك
شايلين معانى كتير
شطوره وف رسمك
ورد وندى وعبير
الالفه ف المدرسه
والكل بيحبك
ولا واحده يوم بتغير
ريم الجميله إبتدت
مشوار لمستقبل
من روعته بتطير
------------------------------------------------------------------------------
روان
تعبتى من المذاكره
لكن تعبك طرح
نجاح حيخلى بكره
ورد وسعد وفرح
روان عطشك خلاص
لمستقبل جميل
رواه نجاح النهارده
والفصل والمدرسه
عايشين أروع فرح
----------------------------------------------------------------------------
سلسبيل
سلسبيل
إسم م الجنه جميل
أجمل بنات المدرسه
والصدق والفكر النبيل
ف إستيعابها للدروس
ممتازه ولاليها مثيل
يارب حقق حلمها
خلى اللى جاى يضحك لها
والطريق قدام عينيها
مبدور أمان مبدور فرح
إسعدها ف العمر الطويل
سلسبيل
مبروك على أجمل نجاح
ياساكنه جوه قلبنا
جايين نهنى كلنا
والفرحه واضحه فى عيونا
ياغاليه ودى إكبر دليل
----------------------------------------------------------------------------------
علا
علا
إسم جواه إزدهار
إسم يشبه للنهار
صغيره لكن كبيره
والتفوق ده شعار
نجحت علا وفرحت خلاص
والعقل ناحية جامعه طار
علشان يقول نحن هنا
كلنا نهنى علا
ونقول مبارك بإفتخار
----------------------------------
كلمات
سمير أبو الحمد
مع أرق امنيات القلب لكن جميعا بغد قادم لاتغرب عن سمواته شمس النجاح والتفوق والتفاؤل أبدا
ساحة النقاش