قصيدة (( كلام من القلب ))
بقلم الشاعر/ سامى كرم
خرجت شارد اشكو ** فى الخلا سهد السحر
والجفون حبلى بتنزف **** مسها ديب السهر
سمعت صوت النسيم ** بيطبطب على صدرالحجر
والندى باكى وفارش ** دمعته على ورق الشجر
وزهره بريئه بتفتح ** عيونها على لمس المطر
وضى بيقرب وسارق ** رسمته من ضى القمر
والطيور على الاغصان ** متجمعين من غير حذر
غناها شجن بيلعب ***** بالقلوب ولمسه وتر
رجعت مارد منقوش ** على خدى ضحكه سمر
سبح فى بطن الليل ** وادعى وسامح البشر
يا مصاحب الوجع دعوتك ** ممكن تغير القدر
والصبر فراج الهموم ** اقرا ودقق فى الاثر
ايوب ويونس فى كربهم ** بالصبر انزاح الخطر
