لسان الغاز
حسن عمر العطبراوى
ﻭﺍﺣﺪﺓ ﺭﺍﺟﻼ ﻣﻐﺘﺮﺏ ﻗﺎﻣﺖ بمناسبةﺍﻧﻌﺪﺍﻡ ﺍﻟﻐﺎﺯ
ﺭﺳﻠﺖ ﻟﻴﻬﻮ :
ﺍﻟﺸﻲ ﺍﻟﻤﻬﻢ ﻡ ﻗﻠﺘﻮ ﻟﻴﻚ
ﻟﻴﻬﻮ ﺍﻧﺖ ﻣﺎ ﻇﻨﻴﺖ ﺣﺴﺐ
ﺍﻟﻐﺎﺯ ده معدوم فى البيوت
ﻭالناس بتطبخ بالحطب
ﻭالازمه فى الغاز فى البلد
ﻣﻌﺪﻭﻣﺔ ﻣﻦ ﺍﺳﻮﺍﻗﻨﺎ ﺗﺐ
لو شفت صف الغاز طويييل
والزحمه فيهو بلا ادب
مرات شتيمه معاها كف
ومرات كواريك بي غضب
الناس يزحو من الصباح
ومن عينا زاتو النوم هرب
لو جيت وقفت مع الصفوف
والله كان شفت العجب
شباب تزحزح فى الصفوف
وواحدين كمان وافين ضهب
واحد يلزك من قفاك
وماتندهش لو انضرب
عمك كبير دافر الصفوف
فى نصو بي عمه انكرب
وحنكوشه قاعده من الصباح
عاجباهو جد داك اب شنب
انبوبتو لما بقت قريييب
قال ليها كلنا ناس عرب
جيبيها انبوبتك هنا
كيفن تولعى للخشب
وشال ليهو ورقه من الارض
وواتسابو فيها وراح كتب
قال ليها بنتظر المساء
واصلو التعارف ما كعب
واخوها كان قاعد بعييبد
قال ليهو هس اسكت شتب
الغاز ده اتعزز عديل
ووجودو جد اصبح صعب
اخر كلامى بقولو ليك
جيب لينا غاز خلي الدهب
😜😜😜😜😜😜
ساحة النقاش