💦حرامي ود علوب💦

حرامي ود علوب

زول للجميل نكار

تسرق قصايدي انا

محتال خبيس غدار

لو انت صح شاعر

اقعد براك واختار

اتنفس الكلمات

واعرف شنو الاشعار

احساس يسوق الزول

ماسرقه او اصرار

ليه تسرق المجهود

مابيبقي ليكا عمار

حاسد اكيد انت

فيك خصلة الكفار

طال ماسرقتا كلام

حاتفشي للاسرار

مين يضمنك تاني

تسقط من الانظار

السرقه ود علوب

ماياها عين العار

شكرا عرفتو الفيك

ومابقبل اي اعزار

يا انت ود علوب

اسمع كلامي الحار

كان قمتا مره عليك

والله جد تحتار

تعرف شهامتي انا

والله عيني شرار

لولا كرامتي انا

كت حا اجيبو التار

واقعد قصادك بس

وجعه وحقد اضرار

لكن عشان فد عين

بكرم معاها كتار

انا طبعي من شبيت

زاهي ومهندم وبار

الاحترام مبداي

لي كل غريب والجار

❤كلماتي تحياتي❤

عبد اللطيف محمد

💡عبدو ابو محمد💡