راضي بالمقسومه
كلمات: سند يوسف
انا راضي يا حبي الدفين
اطلع واسيب ليك البلد
شان انت تسعد ياحنين
ما راجي من حبك مدد
دفقت ليك موية الغرام
وفرشت ليك اجمل كلام
ومخده من قلبي الحنين
والعين ترف ليك احترام
بس انت ما قدرت ريد
يدفق مشاعرو عليك دوام
وغدرتو بي طعن الفراق
والاحتراق وشظي الملام
اتعود القلب البريد
ما برضي للمريود شقي
وانا عمري كلو وهبتو ليك
وباقي الفضل للدين قضاء
يمكن بعد بعتو ومشيت
تنجر خمسين بالخطأ
وامكن يكون ورقك نقص
مستني ريدي كرت غطي
وانا ماني ندمان يالحبيب
بالقسمه رضيان ومنتشي
بطربني لو خبرك وصل
انسان سعيد ما ناقصو شي
وانا بعد ما اتكسرت فيك
واصبحت عاجز من مشي
لابد من اوقف عديل
والريد مريض ما بختشي
انا قلبي ليك كان الرفيق
والليله بعتو بلا تمن
ايه يعني لو زولك ثري
عندو الجواهر يهدهن
او عندو خير الله الوفير
وخزاينو بالاموال صفن
دا كلو ما بديك حق
تخلي عيني يدمعن
وانا راضي يا حبي الدفين
اطلع واسيب ليك البلد
شان انت تسعد ياحنين
ما راجي من حبك مدد
ساحة النقاش