ما دام اخترتا طريقك فوت
انا أهوون لي من ريدك اموت
****
ما دام. اخترت تفوتني. براك
تزرف عيني دمعاتا وراك
انا اعمل ايه كان دا اصلو مناك
اتهنى وعيش وانساني هناك
****
اسفا يا ريد خلاني وراح
راح بعدو العيد وندى الافراح
ما قلت عليك قاسي وجراح
وانا قلبي حنيين وطبعو سماح
****
وما دام اخترت بلاي. احلام
ريدك ساكني مدى الايام
ينتح جواي لا هدا لا نام
وما شايل ليك في قلبي ملام
****
ما اصلو الحب تعويد وادمان
وآلآم. ودموع من الحرمان
خايفك باكر ترجع ندمان
ما تلقاني البتعرفو زمان
****
وانا اصلو حياتي بلاك او بيك
آمالا معلقه كلها فيك
حلفتك انت وامانه عليك
خلي لي بالك من عينيك
سمية احمد
21/1/2016
ساحة النقاش