انسان جميل : من اشعار تيسير الساير انسان جميل محبوب لى الناس **** الهمنى اغنى وزادنى حماس سمح القول ادهشنى خلاص **** فيهو بشاشة كمان حساس .... مسامح ديمة قليبو رهيف **** منو البسمة نابعة حنين مجامل فى السمح بى الحيل **** زول رايع بيملى العين .... ما قالو عليهو متكبر **** بسيط الحال و زى الفل رزين و مرح خفيف الظل ****بى جيتو الفرح يهطل .... فيهو صفات تسر البال **** و باقية الدهشة ليهو اساس دايرة اوصفو ليكم بس ****محاسنو كتيرة كيف تتقاس .تحياتى تيسير الساير
نشرت فى 27 يناير 2016
بواسطة ah-med
عدد زيارات الموقع
51,243
ساحة النقاش