اﻟﺤﺐ ﻭﺍﻟﻬﻢ ﻣﺎﻫﻦ ﺍﺧﻮﺍﻥ
ﻻ ﺍﻻﻫﻪ ﻟﻴﻬﻦ ﺑﺖ ﺍﻟﻌﻢ
ﺑﺲ ﺑﺘﺸﺎﺑﻬﻦ ﻭﺍﻟﻠﻪ ﺷﺪﻳﺪ
ﺯﻳﻲ ﻣﺎ ﺗﻘﻮﻟﻲ ﺑﻴﻨﺎﺗﻦ ﺩﻡ
...........
ﻭﺍﻧﺎ ﻗﺘﻠﻴﻚ ﻣﻦ ﻗﺒﻞ ﻛﺪﻩ
ﺑﺎﻟﺮﻳﺪ ﻭﺍﻟﻠﻪ ﻛﺘﻴﺮ ﻣﻨﺰﻡ
ﻻﺿﻘﺖ ﺍﺣﺴﺎﺱ ﺑﻔﺮﺣﻪ ﺍﻧﺎ
ﻻﺳﻤﻌﺖ ﻏﻨﺎﻙ ﻳﺎﺍﺣﻠﻰ ﻧﻐﻢ
ﻻﻛﻦ ﻣﺒﺴﻮﻁ ﺭﻏﻢ ﺍﻻﺣﺰﺍﻥ
ﺭﻏﻢ ﺍﻻﺷﻮﺍﻕ ﺍﻟﻨﺎﺭﻩ ﻓﺤﻢ
ﻭ ﺍﻧﺘﻲ ﺍﻧﺴﺎﻧﻪ ﻛﻤﺎﻥ ﺯﻳﻲ
ﻭﻓﻴﻚ ﻋﻀﺎﻡ ﻣﻜﺴﻴﻪ ﻟﺤﻢ
ﺑﺘﺤﺴﻲ ﻭﺗﺸﻌﺮﻱ ﺑﺎﻟﺮﻳﺪﻩ
ﻗﻠﺒﻚ ﺑﺎﻟﺤﺐ ﻣﻤﻜﻮﻥ ﻣﻐﺮﻡ
ﻭﻋﻴﻮﻧﻚ ﺯﺍﺗﺎ ﺑﺘﻔﻀﺢ ﻓﻴﻚ
ﻟﻮ ﻻﻗﺎﻫﺎ ﻣﻦ ﻋﻴﻨﻲ ﺳﻬﻢ
ﺑﺘﻮﺻﻒ ﻟﻲ ﺍﺣﺴﺎﺳﻚ ﺑﻲ
ﻛﻴﻔﻦ ﺍﻟﺸﻮﻕ ﺯﻳﻲ ﺍﻟﻌﻠﻘﻢ
ﻭﻟﻤﻦ ﺗﺸﺘﺎﻕ ﺑﺎﻟﺤﺮﻗﻪ ﺗﺒﻴﺖ
ﻭﺍﻟﻨﺎﺭ ﺟﻮﺍﻙ ﻛﻤﺎﻥ ﺗﻀﺮﻡ
ﺑﺮﺿﻚ ﺑﺘﻘﻮﻟﻲ ﻛﻼﻡ ﻣﺎﺻﺎﺡ
ﻻ ﺑﺘﺤﺒﻲ ﻻ ﻟﻴﻚ ﻓﻬﻢ
ﺑﺘﺪﻭﺭﻱ ﺗﻮﺍﺻﻠﻲ ﺗﻌﻠﻴﻤﻚ
ﺑﺎﻟﻌﻠﻢ ﺗﻜﻮﻧﻲ ﻋﺎﻟﻴﻪ ﻗﻤﻢ
ﻻﻛﻦ ﻛﺬﺍﺑﻪ ﻭﺣﺎﺓ ﻋﻴﻨﻴﻚ
ﻗﻠﺒﻚ ﺭﻳﺎﺩ ﺑﺎﻟﺤﺐ ﻣﻔﻌﻢ
ﺭﺍﺟﻴﺎﻧﻲ ﺍﻗﻮﻟﻚ ﻭﺍﺣﺸﺎﻧﻲ
ﻳﺎﺳﺖ ﺍﻟﺮﻳﺪ ﻧﺼﺒﺮ ﻟﻲ ﻛﻢ
ﻭﺍﻟﺒﻴﻨﺎ ﻛﺒﻴﺮ ﻳﺎﺑﺖ ﻳﺎﻧﻴﻞ
ﻣﻦ ﻏﻴﺮﻭ ﻳﻤﻴﻦ ﻣﺎﻟﻴﻨﺎ ﻋﺸﻢ
ﺍﺩﻋﻴﻬﻮ ﻣﻌﺎﻱ ﺭﺏ ﺍﻻﻧﺴﺎﻥ
ﺑﺴﺮﺍﻉ ﺑﺴﺮﺍﻉ ﻟﻠﺒﻴﻨﺎ ﻳﺘﻢ
ﻭﻧﺒﻴﻬﻮ ﺍﻟﺒﻴﺖ ﺑﺤﺐ ﻭﺣﻨﺎﻥ
ﻟﻲ ﻛﻞ ﻣﻜﺴﻮﺭ ﺑﻴﻨﺎﺗﻨﺎ ﻧﺮﻡ
ﻭﻧﻔﺘﺢ ﺍﺑﻮﺍﺏ ﺍﻣﺎﻝ ﺳﻤﺤﺎﺕ
ﻟﻲ ﺍﻟﺠﺎﻱ ﻳﺤﻤﻞ ﻟﻴﻨﺎ ﺍﺳﻢ
ﻭﻳﺒﻘﺎﻟﻨﺎ ﻓﺮﺣﻪ ﻳﺎﺳﺖ ﺍﻟﺮﻳﺪ
ﻣﺎ ﺍﻻﻃﻔﺎﻝ ﻓﻲ ﺍﻟﺪﻧﻴﺎ ﻧﻌﻢ
ﺑﺒﻘﻮﻟﻨﺎ ﺍﻟﺰﺍﺩ ﻭﻓﺮﺣﻨﺎ ﺍﻟﺠﺎﻱ
ﻭﺍﻟﺪﻧﻴﺎ ﺑﻼﻫﻢ ﻣﺎﻻ ﻃﻌﻢ
ﺍﺩﻋﻴﻬﻮ ﻣﻌﺎﻱ ﺍﻟﺮﺏ ﻳﺎﺑﺖ
ﺍﻧﺴﻴﻬﻮ ﺍﻟﺤﺰﻥ ﺍﻟﻬﻢ ﺍﻟﻐﻢ
ﻣﺎ ﺗﺸﻴﻠﻲ ﻫﻤﻮﻡ ﺯﻣﻨﻦ ﺍﺷﺘﺮ
ﺧﻠﻴﻪ ﻟﻲ ﺍﻟﺮﺏ ﺍﻟﺮﺏ ﺍﻧﻌﻢ
ﺳﻮﺍﻫﻮ ﺍﻟﻜﻮﻥ ﺑﺸﻜﻞ ﺑﺪﻳﻊ
ﺣﺘﻰ ﺍﻻﺭﺯﺍﻕ ﻛﻤﺎﻥ ﻗﺴﻢ
ﻭﻭﻟﻒ ﺑﻴﻦ ﻗﻠﺒﻲ ﻭﻗﻠﺒﻚ
ﻭﻗﻠﻴﺒﻚ ﺧﺎﺑﺮﻭ ﻳﻤﻴﻦ ﻣﻐﺮﻡ
ﺃﻥ ﺷﺎﺀ ﺍﻟﻠﻪ ﺍﻥ ﺷﺎﺀ ﺍﻟﻠﻪ
ﺍﻟﺒﻴﻨﺎ ﺍﺯﻳﺪ
ﻭﺩﺍﺩﻧﺎ ﻳﻜﻮﻥ ﺩﺍﻳﻤﺎ ﺍﺭﺣﻢ
ﻭﻳﻨﺘﻢ ﻣﻨﺎﻧﺎ ﺑﻌﺮﺳﻪ ﺣﻼﻝ
ﻭﺍﻟﺰﻓﻪ ﺗﻜﻮﻥ ﺍﺟﻤﻞ ﻣﺨﺘﻢ
........
......
....
....
..
.
ابراهيم الياس
ساحة النقاش