ماتتظلم
🌹🌹🌹
منو الفي مدارس الغرام
مااخطى واتعلم.
ومين السلم داخل الطريق
قبال يصيدو سهم.
جرح الحبايب مهما كان
يغشى الزمان يطيب ويسلم.
وﻻبد يجفن الدمعات
لوفي الخدود بتجري دم.
ماتتظلم🌹
ياقلبي مهما كان جراحك
ببرا بطول الزمن.
بتتناسى آﻵمك ونواحك
تطرا للجايي الحسن.
لو في مساك بشرق صباحك
ويدفع الجرح التمن.
ويضوق عزابك ياقليبي
ويعرف انو قسى وظلم ماتتظلم 🌹
ماتشكي لوظلموك
ياما قلوب مظالم.
وﻻتبكي لو سابوك
تتحسر علي الظالم.
لو صحيح حبوك
اكيد باكر هواك قادم.
اكيد بيجوك يرضوك
ويبقو علي الجراح بلثم.
ماتتظلم🌹
بطيب نزف السنين
من تاني تنبض ياقليب.
تبدل النوح والانين
اشواق مرسله لي حبيب.
بكبر الحب الضنين
يفرع علي البكا والنحيب.
بتظلك اغصان الفرح
من تاني يبتقلك عشم.
ماتتظلم🌹
تبقى الدميعات اللكان
الليلا عندك زكرياات.
مطويا بيجريا الزمان
احساسه زيها عده فات.
تعيش مع الناس الحنان
لحظات جميله ومسيات.
ﻻفرقه ﻻجفا ﻻهوان
وكل الظلم بيجيك يرحم.
🌹 ماتتظلم
محمد بابكر
🌹🌹🌹🌹
ساحة النقاش