نزف قليب
كلمات: سند يوسف
الدموع السايلة جفت
والقليب خﻻو نحيبك
والمشاعر الحلوه خفت
يا قليب ارضاو نصيبك
كنت كل ما اشوف عيونك
ازهي بالفرحة الاكيده
ابتهج اسرح واحلم
بالعديلة وبالجديده
اﻻ هسه نسيتا ريدتك
وماني عشمان يوم اعيدا
وﻻني بالحسرات معزب
قسمة الزول ما بزيدا
عيش حياتك بي سرورك
وقلبي خليهو في عزابو
ياما قطر حن عليكا
وياما ضيع فيك شبابو
عشمو مره تحن عليهو
او تقول مرحب حبابو
اﻻ انت طلعت قاسي
ما بتعرف الريد وبابو
قلبي بتمني السعادة
تبقي لي دربك عصاية
انت اصلأ زول مكمل
احلي نسمه واغلي ايه
اﻻ خدعوك العوازل
ضللوك بعد الهداية
وايه يضيرك لو تعيد
من تاني نظرك في الحكاية
الدموع السايلة جفت
والقليب خﻻو نحيبك
والمشاعر الحلوه خفت
يا قلب ارضاو نصيبك
ساحة النقاش