سلام يا زول في البال
إتفضل خش جوة مسامي
وأفتح لي نفسك أي مجال
إتفضل دون ما تستأذن.
إتفضل خش قدامي
ما إتوحد بيناتنا الحال.
قول لي إزيك وأخبارك
طمن قلبي الإختارك
ومن شافك ..خلا الترحال
وسلام يا زول في البال
لو تعرف قدر إيش جيتك
بتهدهد فيني الروح
بتروق عصب الأفكار
بترتب حسي وهندامي
وتلون شارعين قدامي
وتخضر حتي الأشجار
وسلاااام يا زول في البال
يا ساكن في عصب المنية
متوطن جوة أحلامي
لو كنت في آخر الدنيا
ح أجيلك زي الإعصار
بس يا ريتك..
وكان يااا ريتك
تقدر إن أنا حبيتك
وتسيب قلبك
يختاار...
وسلام يا زول في الب.......
حسام الدين/
ساحة النقاش