تجمعنا القسمة
"""""""""""""
ما معروف تجمعنا القسمة
أو يفرقنا الزمن القاسي
طبع الدنيا ظروفا بتحكم
لهفة وبعد شوق ومآسي
دايما زايدة خناقا علينا
للأفراح بالحزن تماسي
نحن إتنين عايشين بالحلوة
دا المقسوم فليبقى أساسي
*****
لي إحساس ياغالية معاكي
إنو هوانا حيصبح مافي
حتى الزمن الكان لمانا
غير فكرو وأصبح مجافي
ما مني لو سبت عيونك
إنتي الديمة علي بتخافي
عارفو قليبك دايما طيب
ليك ياحلوه سلام وعوافي
*****
بس بنقول تجمعنا القسمة
بي تحنان الريد تسترنا
تجينا عيونك فيها النشوة
بي أفراح الحب تأمرنا
ويزملنا الليل بي لونو
نلقى أماني الهوى تجبرنا
تملأ عيونا الفرحة ونسعد
في عز ليلنا الهنا يغمرنا
تحياتي:فاروق تاج الدين
ساحة النقاش