😳 خاطرك معاك 😳
ما تندهش ...
خاطرك معاك
جر النفس و اكتم هواك بين الضلوع
واصل طريقك في السراب
و اقفل وراك باب الرجوع
ما تندهش ..
انا زول صريح دائماً معاك
ما ممكن ابدأ ادس عليك
و أعيش برااااي راضي و قنوع
ما اصلو كان سبب العزاب
كلام كتير مليان غناء و حسرة و دموع
قالوه ناس قيس من زماااااااان
ما تندهش ...
قلبي رادك و اسطفاك دون البشر
و اداك مكانة نبيلة أعلي من القمر
و مشيت معاك في سكة الأمل العدم
لكن قليبك لي خان باعني و غدر
نسي الغرام البينا كان رغم العشم
ما تندهش ...
انا لسة في جواي و هم
مل الخضوع و الانكسار
في نار هواك إلا القدر
نسمة هواي طفت الشموع
وبكت مع الليل الحزين نص النهار
ما تندهش ...
🎵🎵🎵🎵🎵🎵
من :كلماتي عوض الله عبدالرحمن أبوشيبة
ساحة النقاش