أصعب لحظة
روضة كسﻻ
أصعب لحظة لما تفكر
تبعد قلبك من مريودو
لما حبيبك يقسي عليك
ما بتكلف يوفي وعودو
ليك يتنكر وما يتزكر
كيفن جودك فايق جودو
لما يشوفك ات تتقطع
حتت أشﻻئك باقيه رعودو
وفيك مرات يتغابي العرفة
لو سلمته بتلقي صدودو
لما يشوفك شوقك باين
حالف قلبك يطلق صوتو
يعشرق نفسك حس العبرة
ترقرق مقلك جم مقصودو
ما بهتم لو يأبس عودك
جذعك مايل فوق لي عودو
ما بهتم لو جرحك بصحي
حرفك نايم رغم ولودو
مابهتم لو فاتك ضلك
ورافض يطلع رغم وجودو
ما بهتم لو سيف كلماتك
قاطع صمتك وخلي برودو
ما بهتم لو نبضك وقف
كانو عيون الشوق شهودو
رغم سنين العشرة البينكم
ما ظنيت راح تلقي ردودو
روضة كسلا
ساحة النقاش