كلمتك زمااان
فتتشي عني فيك
تلقي اياني بيك
كووسي علية داااخلك
في رووعة مداااااخلك
سافر ياااني راااااحلك
بنساني وبجيك
كلمتك زماااااااان
انو البينا كااااان
اكتر من حنااااان
ومن انو اشتهيك
يابت كوووم فرح
لي زول انجرح
نفاج انفتح
من الروح اليك
عينيك اسودن
بي الحن حددن
فوقي اتمددن
ايام ريدنا ديك
ياحلم الصبا
يا باكر الربا
جيبيلي النبا
شان مااقلق عليك
عودك في السماح
مدهش يا سماااح
بهجة وانشراااح
ظهرن في وشيك
الروعة التغيير
من هذا الضمير
ما بتقدر تصير
او يوم تدعيك
يا كاشف الهموم
ذيح مني الغمووم
داير اصحى وانوم
واصبح في مشيك
عيني بالسهاد
من النوم بعاد
شايلك لية زاد
وحالف اني اجيك
يا بت السمر
في هافك ضمر
عديهو العمر
كاش في الريد مو شيك
يالون النخييل
والنسم العليل
الطرف الكحيل
زين لي عينيك
لمن تبسمي
بتصحي العمي
يابت بي دمي
وبي روحي افتديك
شاريك لي بووح
في الصمت البلووح
الامل الطمووح
بينا صبح شريك
كاتبك في الغنا
قمرة وسنسنة
وجوااي ببتديك
الشاعر محمد عبد الوهاب جعفر علي
ساحة النقاش